September 28, 2010
Batid ko noong una pa
na natagpuan ko na
ang aking katapat.
'Sing lalim, 'sing babaw
umiilalim, umiibabaw.
Saklaw at silaw ng kahinaan
mo ako natagpuan.
Sa panahong hindi ako umaasa,
sa panahong di naghahanap.
Hinayaan kitang talunin
ako sa duwelo.
Pagkat batid ko ang kahinaan ko.
Walang lugar kang hindi inaresto
sa loob at labas ng kaluluwa ko.
Sumugod ka bagamat
kawal kang walang bitbit na armas,
kundi lakas ng loob,
nanunuot na titig
at nakapanghihinang halik.
Kilala na kita sa unang pagkikita
Dapat iwasan, iwanan sa ilang
pagkat ako ang mahihila
at maiiwang talunan.
No comments:
Post a Comment