September 28, 2010
Kung ano ang itinanim
ay siya ring aanihin.
Ngunit anong aanihin
kung lupa'y di maaaring angkinin?
Upang tamnan ng butong
namumunga ng prutas
sa takdang panahon
at sa taglagas
masasaksihan ang paglago
at pagtubo ng bulaklak
na magiging bunga paglaon.
Mayroon akong binhi
na naghahanap ng mapagtataman
Ngunit lupa kang pagaari ng iba.
Hindi lang sa titulo
kundi maging sa mata
ng Diyos at tao
Kahit ihain mo ang sarili mo.
Walang punong tutubo
mamumunga at mabubuo
Pagkat lupa kang
kailanma'y di maaaring
tamnan at lagyan ng abono.
Kahit ihain mo pa ang sarili mo.
No comments:
Post a Comment